Blide tae hae you here
Wur right blide tae hae you here,
Islanders fae near an fer,
Lukan chist is swack is can be,
Aa set tae tak pert in wur Games.
Weel you ken that podium place
Disna come withoot some risk,
O brukeens an misanters,
Is you push yoursells tae win.
They’ll be some ferly breeksed,
Eens wae murders, blue murders,
Folk fair puggled, right trowie,
Chist wersy, tuim ur fantan.
Poor souls hostan an wharkan,
Wans wae sore puggies, spewan,
Sore heeds aplenty, sore feet tae,
An blibes wae blibes on blibes.
Folk krome faa cheeran on thir team,
Winners greetan, lossers at the eyes.
Wae really hope naetheen ails you,
Stops you daein the best you can.
An you’er is blide tae be wae is,
Is wur blide tae hae you here.